YRKJA

Frá árinu 2015 hefur Tónverkamiðstöð staðið fyrir nýsköpunarverkefninu Yrkju sem er samstarfsverkefni miðstöðvarinnar og ýmissa menningarstofnana. Tilgangur verkefnisins er að búa ný tónskáld undir starf í faglegu umhverfi hjá hljómsveitum, hátíðum og öðrum listastofnunum.

Árið 2020 var stofnað til Ung-Yrkju, fyrir tónskáld sem enn eru í námi. Að öðru leyti er tilgangur verkefnisins sá sami og í Yrkju.

Síðan fyrstu Yrkjunni var hleypt af stokkunum hefur fjöldi nýrra tónskálda fengið tækifæri til að vinna með þekktum tónlistarhópum, hátíðum og menningarstofnunum. Sinfóníuhljómsveit Íslands hefur verið aðalsamstarfsaðili verkefnisins en tónskáldin hafa einnig unnið í Yrkju með Mengi og með tónlistarhópunum Nordic Affect og Jaðarberi.

Tónskáldin semja tónverk sem eru frumflutt á sérstökum Yrkju-tónleikum. Tónskáldin eru hvött til að þróa starfsaðferðir sínar og vinna undir handleiðslu svonefndra mentora sem hafa verið margir af okkar þekktustu tónlistarmönnum, m.a. Anna Þorvaldsdóttir, Daníel Bjarnason, Hugi Guðmundsson, Tinna Þorsteinsdóttir og Skúli Sverrisson.

Tónskáldasjóður RÚV og STEFs hefur styrkt Yrkju.

Hér fyrir neðan er yfirlit sem sýnir hverjir hafa komið að þeim Yrkjuverkefnium sem lokið er.