Heimsókn þátttakenda í Ung-Yrkju til SÍ

Tónskáldin þrjú sem taka þátt í Ung-Yrkju með Sinfóníuhljómsveit Íslands – þau Hjalti Nordal, Ingibjörg Elsa Turchi og Katrín Helga Ólafsdóttir – heimsóttu hljómsveitina í gær þar sem hún var á æfingu fyrir fimmtudagstónleikana undir stjórn Daníels Bjarnasonar. Hjördís Ástráðsdóttir, fræðslustjóri SÍ og tengiliður verkefnisins þar á bæ tók á móti tónskáldunum ásamt Láru Sóleyju Jóhannsdóttur framkvæmdastjóra SÍ og leiddi þau í gegnum hina ýmsu þætti starfseminnar.