Raddskrá

Setjið raddskrár alltaf upp í portrait

Setjið upp í A4. Tónverkamiðstöð keyrir raddskrár (score) út í A4 eða A3 þannig að A4 stækkar sem því nemur. 

Passið að spássíur séu ekki of breiðar og ekki of mjóar. Notið fyrirfram gefna (default) stillingu í t.d. Sibelius.

Ekki hafa takta of breiða eða fáa í systemi – hafa minnst 4 til 5 takta í systemi. Yfirtaka sjálfkrafa stillingar (override automatic spacing or pagebreaks).

Passið að system séu ekki of stór. Fyrirfram gefin stilling í document setup í Sibelius gefur 7p. Fer svolítið eftir stærð hljómsveitar en við mælumst til að það sé minnkað eins og hægt er, þó aldrei minna en í 4p.

Ekki hafa titilsíðu á pörtum – við sjáum um að búa þær til. 

Hafið hljóðfærayfirlit/lista og tímalengd í flutningi (duration) á einni síðu fremst í raddskrá. Takið fram á þeirri síðu hvort raddskrá sé tónflutt eða ekki.

Hafið taktnúmer og æfinganúmer á rökréttum stöðum.

Takið út tómar línur í raddskrá. Ef hljóðfæri spilar ekki í lengri tíma ætti það að falla út úr raddskránni á þeim síðum sem það hefur ekki „rödd“. (System separation í Sibelius) Ef hljóðfæri spilar ekki í lengri tíma, t.d. í lok verks, setjið t.d. inn tacet al fine.

Ekki tölusetja auðar síður. Breytið blaðsíðunúmerum (page number change) eða takið blaðsíðunúmer út ef síða er auð. Ef síða á að vera auð þarf að taka það sérstaklega fram, t.d. með því að skrifa inn á síðuna Page left empty for ease of performance eða Page intentionally left blank.

Passið upp á staðsetningu blaðsíðutala. Mikilvægt til að blaðsíðutöl lendi ekki inni í kili. Reglan er að upphafssíða sé hægri síða og tölusett oddatölu. Hægt er að byrja á sléttri tölu ef upphafssíða er, af sérstakri ástæðu, vinstri síða opnu.