Íslenskir kórar hafa alla tíð sýnt íslenskri tónlist mikinn áhuga. Íslensk tónlist er í stöðugum flutningi á kórtónleikum og margir kórar hafa tekið upp þann sið að panta ný kórverk frá íslenskum tónskáldum.

Kórmenning á Íslandi er auðvitað mjög sterk og nægir að benda á skýrslu Dr. Ágústs Einarssonar þar sem niðurstöður sýna að þátttaka í tónlistarstarfi á Íslandi er mjög mikil.

ITM hefur lengi reynt að mæta þörfum kóra og nægir að benda á kórverkaútgáfu ITM. Þar hefur verið lögð áhersla á að gefa út íslensk kórverk í mjög vandaðri og staðlaðri uppsetningu.

Hafið er samstarf við Samband íslenskra karlakóra og ef þú tilheyrir því sambandi þá getur þú skráð þig hér inn á aðgangsstýrt svæði sem geymir ýmsar sérupplýsingar og efni sem sambandið hefur eignast gegnum tíðina.

Þegar þú hefur skráð þig inn virkar tengill hér vinstra megin merktur Sambandi íslenskra karlakóra og vísar þér inn á aðgangsstýrða svæði sambandsins. Ef aðgangsorð virka ekki hafðu þá samband við formann stjórnar sambandsins.