|
Ráðstefna á Grand Hótel föstudaginn 19. maí - Einstakt tækifæri
 Aðalfyrirlesari ráðstefnunnar er tónskáldið og vísindamaðurinn Paul Hoffert frá Kanada. Í brennidepli fyrirlestursins er framtíðarsýn á sviði flutnings tónlistar á vefnum og hvernig nú eru að skapast nýjar og spennandi leiðir til að kynna tónlist af öllum gerðum frá öllum heimshornum.
Á heimasíðu Hoffert - www.paulhoffert.ca - má sjá yfirlit yfir viðfangsefni, viðskiptavini, tónsmíðar og útgáfur af ýmsu tagi.
"Mr. Hoffert is one of the New Mandarins [along with Microsoft’s Bill Gates]... His music wakes up Canadians every morning, but this member of the Canadian Rock & Roll Hall of Fame has been waking up the technology sector as well ... (with) projects such as IVY, which tracks the electronic reproduction of digital property and [a trial of] a totally 'wired' community."
-- The Financial Pos
"Musician, scientist, engineer, arts maven, and entrepreneur Paul Hoffert takes us on an accessible, lively, wide-ranging, thought-provoking tour of the frontiers of technology and culture... an optimistic and deeply humanistic view of the world and of modern technology's role in it... Required reading for an introduction to the profound changes being enabled by modern media."
-- Dr. Ronald Baecker, Director, Knowledge Media Design Institute, U. of Toronto
Skörp hugsun Hoffert bregður ljósi á flókin málefni og lifandi framsetning á hugmyndum skýrir vinsældir hans sem ræðumanns um allan heim. Meðal bóka hans eru:
· The New Client: How Customers Shape Business in the Information Age, Penguin/Viking Canada, 2002
· All Together Now: Connected Communities Will Revolutionize the Way you Live, Work, and Play, Stoddart Publishing, 2000
· The Bagel Effect: A Compass to Navigate the Wired World, McGraw-Hill Ryerson Press, 1998
Í pallborði sitja Dr. Bjarki Sveinbjörnsson sem kynnir upplýsingar og aðgengi að þjóðlegu efni á vefnum og Stefán Hjörleifsson sem kynnir vefsölu íslenskrar tónlistar og nýja strauma á því sviði.
Staður: Grand Hótel
Tími:19. maí, kl. 10:00 – 15:00
Aðgangseyrir: 3000 kr.
Skráning: Grand Hótel fös. 9:30 -10:00
Innifalið í verði: Gögn og léttar veitingar
Ráðstefnan fer fram á ensku
Allir velkomnir
Ráðstefnuna styrkja:
Nomus - Tónlistarnefnd Norrænu ráðherranefndarinnar
Minningarsjóður Margrétar Björgólfsdóttur
Tónlistarsjóður Menntamálaráðuneytis
Listahátíð í Reykjavík.
Íslensk tónlist í Kanada - framvarðasveit tónskálda og flytjenda
 Íslensk tónlist var áberandi á MUSIMARS - Des Impressions tónlistarhátíðinni í Montreal sem lauk nýverið. Gestahljómsveit hátíðarinnar var hinn íslenski Caput hópur og fluttu þau verk eftir Atla Ingólfsson, Hauk Tómasson og Þuríði Jónsdóttur auk þess að glíma við ný kanadísk verk.
 Caput hópurinn var skipaður þeim Sigrúnu Eðvaldsdóttur, Bryndísi Höllu Gylfadóttur, Kolbeini Bjarnasyni, Guðna Franzsyni, Valgerði Andrésdóttur og Steef van Oosterhout.
Skemmst er að minnast flutnings á verkum þessara tónskálda hér heima á nýliðinni hátíð Tónskáldafélags Íslands. Öll semja þau jöfnum höndum fyrir stórar hljómsveitir og kammersveitir. Þegar hafa verið gefnir út hljómdiskar hjá BIS í Svíþjóð með verkum Hauks og Atla, sá fyrri fékk MIDEM verðlaunin sem besti klassíski diskurinn 2005 og sá síðarnefndi seldist hraðar en reyndustu menn höfðu þorað að vona. Þuríður hefur mörg járn í eldinu og hefur fengið fjölmargar pantanir á verkum undanfarin misseri.
Sjá nánar um hátíðina í Kanada: http://www.smcq.qc.ca/smcq/musi.e/index.html
Myrkir músíkdagar á Íslandi 2006
Tónskáldafélag Íslands heldur sína árlegu tónlistarhátíð þessa dagana.
Hátíðin er glæsileg að vanda. Enginn sem forvitinn er um nýja tónlist ætti að láta þessa tónleikasyrpu fram hjá sér fara.
Framundan eru Sinfóníutónleikar, raftónleikar og svo sjö mismunandi og sérlega spennandi tónleikar á laugardag og sunnudag. Það hljóta allir tónlistarunnendur að geta fundið eitthvað sem þeim gæti þótt skemmtilegt á þessu veisluborði nýrrar tónlistar.
Dagskrána má lesa hér á síðunni undir Tónlistarviðburðir.
Spennandi vefleit í safni ITM möguleg
Íslensk tónverkamiðstöð og Tónskáldafélag Íslands hafa í sameiningu unnið vefvæna útgáfa af skráningargrunni ITM. Á sjöunda þúsund verk eru skráð í grunninn.
Með stuðningi Menntamálaráðuneytis og Fjárlaganefndar hefur einnig verið unnið að skönnun tónverkasafns ITM í þeim tilgangi að auðvelda varðveislu og framleiðslu. Þegar hafa verið skönnuð um 3000 verk og miðar verkinu vel. STEF, Samtök tónskálda og eigenda flutningsréttar, styrkti gerð vefsýnishorna sem nú birtast með öllum stærri verkum sem þegar hafa verið skönnuð.
Þeir fjölbreyttu leitarmöguleikar sem fyrir hendi eru nú, samhliða fjölmörgum vefsýnishornum af nótum, munu auðvelda bæði leikum og lærðum leit að íslenskum tónverkum við hæfi hverju sinni.
|